اغلب البنات هنا يعانون من الاسمرار في المنطقه الحساسه والفخوذ
و يجب الاهتمام بالمنطقه الحساسه ,,
نصايح بسيطه نفذوهآ وبتلآحظون الفرق… طبعا الي تبي توصل للتفتيح الكامل لازم تصبر
وتستمر يعني مب تهتمون يوم ويومين وتروحون تدورون طريقه ثانيه !!
أهم الخطوآت
1- لبس الشورت القطن الطويل والاستغناء عن اللي مايغطي الفخوذ لان الاحتكاك من
اهم مسببات الاسمرار …لاتقولون ماتعودنا انا كنت مثلكم ومن تعودت احس بنظافه و
حتى يساعد في شد الجسم
2- ترطيب المنطقه باستمرار … جربي كل ليله تحطي كريم جليسوليد الاحمر
نعووومه خيال + تفتيح مع الاستمرار واستخدمي الكريم الي بعلبه مدوره للمنطقه
الحساسه واللوشن (لأنه أخف واسهل للتوزيع) للفخوذ والمنطقه المحيطه .
3- تقشير المنطقه اسبوعيا بالطريقه المعروفه وهي :
زيت زيتون وسكر ( لتجديد الخلايا )
4- استخدام غسول خاص للمنطقه مع كل استحمام …مثلاً كيرفري
5- التنشـــيـف … قبل كم يوم قريت تساؤل في احد المواقع عن اسباب عدم شكوى
الاوربيات من الاسمرار في هالمنطقه والجواب بسيط
: (( انهم مايعترفون بالماء في النظافه وبس يكتفون بالتنشيف يعني بياض
عالفاضي بدون نظافه!! ))
لهالسبب شكواهم بسيطه من هالشي لكن ديننا حثنا عالطهاره وضرورة الاغتسال
وانا انبهكم مثل مانبهوكم بنات كثار ان التنشيف مهم جدا يعني لاتخلين ولانقطة
ماي في هالمنطقه قبل لاتلبسين الشورت …
7- الاستـــمرار : يعني مب تهتمون اسبوع وتقولون لين الحين اسمرار !!
لا حبيباتي استمروا واستمروا واستمروا وبتشوفون الفرق
هذه طرق سهلة و طبيعية 100 % و يجب أن تصبح جزء من حمامك اليومى
لتواظبى عليها دااائما وتشوفين الفرق بعيونك
و لأنها طبيعية 100 % فلا يؤثر التكرار اليومى لها أى تأثير ضار..~
أولا: المنطقة الحساسة:
بعد إستخدام الغسول الخاص بها ( مثل الغسول من أفون.. ممتاز)
تقومى بدهن المنطقة بزيت الورد (ليس ماء الورد)
النتيجة:
1- رائحة حلوة
2- نعومة
3- بياض مع الإستمرار
ثانيا: الإبط:
بعد الحمام تفركين المنطقة بالليمون ولما تنشف تحطين عليها كمية قليلة من الباودر
(بودرة جونسون أو أى نوع تحبينه)
1- يفضل عدم إستخدام أى نوع من انواع الباودر المعطر
2- لا تحطين الليمون على المنطقة بعد شيل الحلاوة لأنه يسبب التهابات وحرقان
النتيجة:
1- تعقيم المنطقة 100 % من الجراثيم
2- تبيض المنطقة وتوحد لون المنطقة
3- يغنيكم عن مزيلات العرق ومشاكلها
4- انتعاش واحساس بالنظافة
5- نعومة
ثالثا: الأكواع و الركب:
بعد الحمام تدعك برفق بواسطة مقشر مناسب للبشرة (أى نوع تحبينه)
بواسطة الليفه و بحركات دائرية ثم تدعك بالليمون و تدهن بالجلسرين
السائل أو زيت اللوز الحلو
*
استخدمي مقشر للجسم بالبابايا من بودى شوب + جلسرين سائل + زيت لوز
النتيجة:
1- بياض رائع
2- نعومة و لمعان
3- القضاء على التشققات
ارجوا ارسال الجديد ع الأيميل
هلآ بك أخت تغريد..
أن شاء الله بالقريب العاجل رآح نرسل
لك كل جديد ومميز
ونورتينآ ..~
مرة شكرا
شكــــــــــرا لكــ
معلومات قيمة ومفيدة